عايش و لسه ببتسم
و جوه قلبى شوق لفرحه مش هينطفى
و فى عينى حنين لدموع بطعم الفرح
و فى ورقى أنين مكتوم مستنى يوم يترسم فيه ورود فرح
و كلماتى مشتاقه تغير نبرتها وتلون بستان ربيع قلبها
و قلمى اشتاق للبس جديد ....بلون جديد ...لون الفرحه اللى مش ناسيها و مش فاكرها ...و مش طايلها و مش قادر يستغنى عنها
عايش و لسه بحلم
....بحلم بيوم من غير ألم
بحلم بدموع من غير شجن
بحلم بقلب من غير وجع
عايش و هفضل أحلم
بفرحه كبيره هتيجى تاخدنى معاها و نطيرسوا نوصل لأخر أمانينا
عايش و لسه عندى أمل مش هسمحله فى يوم يختفى
No comments:
Post a Comment